សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមសេចក្តីបំភ្លឺរបស់ក្រុមប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានឲ្យដឹងនៅព្រឺកថ្ងៃព្រហស្បតិ៍ ១១កើត ខែជេស្ឋ ឆ្នាំច ឯកស័ក ព.ស ២៥៦៣ ត្រូវនឹងថ្ងៃទី១៣ ខែមិថុនា ឆ្នាំ២០១៩នេះថា ពុំមានករណីបុរសម្នាក់បានបើករថយន្តចូលក្បួនថ្នាក់ដឹកនាំនោះទេ ។
លោកវរសេនីយ៍ឯក សែម គន្ធា នាយការិយាល័យចរាចរណ៍ផ្លូវគោកបានឲ្យដឹងថា ពុំមានការបើករថយន្តចូលក្បួនថ្នាក់ដឹកនាំដូចសារព័ត៌មួយចំនួនបានចុះផ្សាយនោះទេ ដោយនៅវេលាម៉ោង៥ព្រឹកថ្ងៃទី១៣ ខែមិថុនា ឆ្នាំ២០១៩ កងកម្លាំងនគរបាលចរាចរណ៍ផ្លូវគោក ដែលរៀបចំសណ្តាប់ធ្នាប់នៅតាមដងផ្លូវ និងសម្រួលចរាចរណ៍ជូនគណៈប្រតិភូជាតិ អន្តរជាតិ ក៏ដូចជាប្រជាពលរដ្ឋនៅតំបន់នោះ បានឃើញរថយន្តម៉ាកព្រូសមួយគ្រឿងពាក់ស្លាកលេខភ្នំពេញ 2AZ-5242 បើកបរដោយបុរសម្នាក់ក្នុងល្បឿនលឿន ហើយរ៉េចង្កូតពេញផ្លូវ ទើបក្រុមអន្តរាគមន៍ចរាចរចណ៍ល័ត តាមឃាត់រថយន្តនោះដើម្បីឃាត់ខ្លួនអ្នកបើកបរ និងជៀសវាងការបង្ករគ្រោះថ្នាក់ជាយថាហេតុ កម្លាំងនគរបាលបានឃាត់រថយន្តនោះបាន នៅតាមបណ្តោយផ្លូវសហព័ន្ធរុស្សី ជិតរោងចក្រមិថុនា ក្នុងខណ្ឌសែនសុខ ។
បន្ទាប់ពីឃាត់ខ្លួនបានហើយ តាមការត្រួតពិនិត្យរួចបានបង្ហាញឲ្យឃើញថាបុរសម្នាក់នោះ ពិតជាមានសារជាតិស្រវឹងពិតប្រាកដមែន រួចក៏បញ្ជូនទៅកាន់ទៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បន្តនីតិវិធីច្បាប់ ។ ដូច្នេះសូមសារព័ត៌មានមួយចំនួួនមេត្តា ស្វែងរកព័ត៍មានឲ្យបានច្បាស់លាស់ គ្រប់ជ្រុងជ្រោយ និងពិតប្រាកដជាមុនសិនមុននិងបង្ហោះជាសាធារណៈ ព្រោះវាអាចធ្វើឲ្យមហាជនមានការយល់ច្រឡំ ៕ស តារា
