សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្ដរមានជ័យ៖ នៅវេលាម៉ោង៧និង១០នាទី ថ្ងៃទី១៦ ខែកក្កដា ឆ្នាំ២០១៩ មានករណីអេស្កាវ៉ាទ័រ កាយព្រៃសម្អាតដីចំការ នៅចំណុចទួលស្រឡៅ ស្ថិតនៅភូមិទំនប់ ឃុំត្រពាំងតាវ ស្រុកអន្លង៉វែង ខេត្តឧត្ដរមានជ័យ បានជាន់មីនតោនសេសសល់ពីសម័យសង្គ្រាម បណ្តាលឲ្យដាច់កង់មួយចំហៀង និងខូចខាតអេស្កាវ៉ាទរ តែសំណាងល្អមិនមានគ្រោះថ្នាក់ដល់អាយុជីវិតមនុស្ស ។
សមត្ថកិច្ចបានឲ្យដឹងថា អ្នកបើកបរឈ្មោះ ឃ្លាំង វណ្ណះ ភេទប្រុស អាយុ២៧ ឆ្នាំ រស់នៅភូមិក្ដីខ្វាវ ឃំុចំរើនផល ស្រុកសំពៅមាស ខេត្តពោធិ៍សាត់ ពុំមានរងរបួសទេ ។
ករណីនេះ បន្ទាប់ពីទទួលបានព័ត៌មាន អធិការនគរបាលស្រុក បានចាត់តាំងកម្លាំងប៉ុស្តិ៍នគរបាលរដ្ឋបាលត្រពាំងតាវ ចុះទៅត្រួតពិនិត្យ និងជួយអន្តរាកមន៍នៅកន្លែងកើតហេតុភ្លាមៗ និងចាត់វិធានការបន្ត ដើម្បីធានាសុវត្ថិភាព ជូនប្រជាពលរដ្ឋ៕ ប៉ែន នួន
