សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រពឹសដៃធ្វើសកម្មភាពឆក់ខ្សែកប្រជាពលរដ្ឋបានសម្រេច ហើយព្យាយាមបើកម៉ូតូគេចខ្លួន តែត្រូវសមត្ថកិច្ចកំពុងល្បាតក្នុងមូលដ្ឋានជួយអន្តរាគមន៍ បង្ក្រាបឃាត់ខ្លួនជនសង្ស័យបាននៅចំណុចក្បែរធនាគារអេស៊ីលីដា តាមបណ្តោយផ្លូវជាតិលេខ៥ ស្ថិតក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ ។
ជនសង្ស័យដែលធ្វើសកម្មភាពឆក់ខ្សែកត្រូវបានគេស្គាល់ឈ្មោះ សាមុត វីរ: ភេទប្រុស អាយុ២៩ឆ្នាំ មុខរបរគ្មាន ស្នាក់នៅផ្ទះគ្មានលេខក្រុម៧ ភូមិដើមខ្វិត សង្កាត់ទួលសង្កែទី១ (មានផ្ទុកសារធាតុញៀន) ។ ជនសង្ស័យបានធ្វើសកម្មភាពឆក់នាវេលម៉ោង៦ និង៣០នាទីព្រឹកនៅថ្ងៃទី១៨ ខែកក្កដា ឆ្នាំ២០១៩ ចំណុចមុខផ្ទះសំណាក់យីហោ កាកា ផ្លូវបេតុង ក្រុម១១ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ។
តាមប្រភពពីមន្រ្តីនគរបាលខណ្ឌឫស្សីកែវ បានឲ្យដឹងថា នៅមុនពេលកើតហេតុ ជនរងគ្រោះបានជិះម៉ូតូគ្នា២នាក់ តាមបណ្តោយផ្លូវបេតុងឡើង ពីវត្តទួល មកកើតពេលជិះមកដល់កន្លែងកើតហេតុខាងលើ ក៏មានជនសង្ស័យ១នាក់ ជិះម៉ូតូម៉ាកនិចពណ៍សមកពីក្រោយបានធ្វើសកម្មភាពឆក់ខ្សែកររបស់ជនរងគ្រោះរួចបានជិះគេចខ្លួនក៏ជនរងគ្រោះស្រែកចោរៗបានជួប និងកំលាំងសម្ថកិច្ចដែលកំពង់ល្បាតបានជួយអន្តរាគមន៍ក៏ឃាត់ជនសង្ស័យបាននៅចំនុចក្បែរធានាគារអេសុីលីដា ផ្លូវជាតិលេខ៥ភូមិក្រោលគោសង្កាត់គីឡូម៉ែត្រលេខ៦ ។
សម្ភារដកហូតមាន បន្តោងខ្សែក១ខ្សែបណ្តោងខ្នាយជ្រូកបានប្រគល់ជូនជនរងគ្រោះវិញម៉ូតូម៉ាកនិច១គ្រឿង ពណ៌ស ពាក់ស្លាកលេខ ភ្នំពេញ 1BQ-7660 លេខម៉ាស៊ីន 102297 លេខតួ 102261 ។
បច្ចុប្បន្ន ជនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌឫស្សីកែវ ដើម្បីសាកសួរស្រាវជ្រាវរកបក្ខពួក និងកសាងសំណុំរឿងបញ្ជូនតាមនីតិវិធី៕ ធឿនព្រែកជ័យ
