សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ទើបនឹងប្រកាសពីគម្រោងចូលរោងការក្នុងអំឡុងខែសីហាខាងមុននេះមិនបានប៉ុន្មានផង ស្រាប់តែពេលនេះប្តីនាងខ្ញុង គឺនាយ កៃដ បានរងរបួសជើងទាំងសងខាង ព្រោះតែការលេងកីឡាខុសបច្ចេកទេស ។
ថ្មីរនេះតារាសម្តែង នាង ស្រេង សុកាន់ដា ហៅនាងខ្ញុងបានប្រកាសរៀបការជាផ្លូវការជាមួយតារាកំប្លែងនាយ កៃដ ជាផ្លូវការហើយ បន្ទាប់ពីរួមរស់នឹងគ្នាក្រោយរៀបចំពិធីសែនព្រេន កាលពីចុងឆ្នាំ២០១៧នោះ ។
នាងខ្ញុងបានរៀបរាប់ថា “ចាប់តាំងពីរដឹងក្តីចេះប្រើជីវិតឯកជនមក គឺមានភាពលំបាក ជូជត់ វេទនា បោកប្រាស់ បោះបង់ ធ្វើបាប ជួបអស់ហើយ តែខ្ញុំក៏នៅតស៊ូជំនះព្រហ្មលិខិតបានរហូតដល់ថ្ងៃនេះ ព្រោះខ្ញុំតែងជឿរជាក់លើអំពើរល្អដែរខ្ញុំបានសាង ខ្ញុំក៏សង្ឃឹមថាមនុស្សដែលខ្ញុំនឹងផ្ញើរវាសនាពាក់កណ្តាលជីវិតឲ្យគាត់នោះ នឹងយល់ច្បាស់ពីភាពឈឺចាប់ដែលខ្ញុំធ្លាប់ជួបកន្លងមក ចឹងខ្ញុំគិតថា គាត់នឹងចេះអាណិត ស្រឡាញ់ យោគយល់ ឲ្យតំលៃ អត់អោន អធ្យាស្រ័យ នឹងជាមនុស្សមានការទទួលខុសត្រូវខ្ពស់ ជាមនុស្សដែររឹងមាំ ដើម្បីជាក្តីសង្ឃឹមឲ្យខ្ញុំនឹងកូន អគុណម៉ាក់ក្មេកនឹង បងប្អូនថ្លៃ ដែលស្រឡាញ់នឹងឲ្យតំលៃខ្ញុំ សូមឲ្យគ្រួសារមួយនេះថិតថេរហូតទៅ. (ថ្ងៃដែលរង់ចាំ)” ។ ពិធីមង្គលការ ខ្ញុង និងនាយ កៃដ នឹងរៀបចំឡើងនៅថ្ងៃទី ៧ ខែសីហា ឆ្នាំ២០១៩ ខែក្រោយនេះហើយ ។
ទោះជាយ៉ាងនាមិនទាន់បានប៉ុន្មានផងកូនកំលោះដែលត្រៀមចូលរោងការនោះស្រាប់តែរបួសជើងទាំងសងខាងព្រោះតែការលេងកីឡាខុសបច្ចេកទេស ។ តារាស្រីរូបនេះបានសម្តែងការសោកស្តាយ ស្របពេលដែលអ្នកដឹងដំណឹងរៀបការក៏សាទរ និងសោកស្តាយដែលតារាកំប្លែងនាយកៃដ ជួបគ្រោះថ្នាក់ ។
ទោះជាយ៉ាងណាគេរំពឹងថា តារាប្រុសរុបនេះ នឹងជាសះស្បើយមុនពេលពិធីមង្គលការបានមកដល់នៅពាក់កណ្តាលខែសីហា ៕ វឌ្ឍនា
