ក្មេងស្រីអាយុប្រហែល៤ឆ្នាំម្នាក់ ត្រូវបានរថយន្តដឹកដី កិនស្លាប់នៅកន្លែងកើតហេតុ

ខេត្តបន្ទាយមានជ័យ៖ ក្មេងស្រីអាយុ៤ម្នាក់ ត្រូវរថយន្តដឹកដីប្រល័យស្លាប់នៅនឹងកន្លែង បន្ទាប់ពីរត់ឆ្លងផ្លូវតាមម្តាយទៅទិញម្ហូប កាលពីវេលាម៉ោង ៥និង១៥នាទីល្ងាច ថ្ងៃទី២៩ ខែកក្កដា ឆ្នាំ២០១៩ នៅចំណុចមុខផ្សារពង្រ ស្ថិតក្នុងភូមិពង្រ សង្កាត់កំពង់ស្វាយ ក្រុងសិរីសោភ័ណ ។

ប្រភពកន្លែងកើតហេតុឲ្យដឹងថា ៖ ក្មេងស្រីរងគ្រោះឈ្មោះ លិន ស្រីណាន់ អាយុ៤ឆ្នាំ នៅភូមិកងវ៉ា សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។

សមត្ថកិច្ចមូលដ្ឋានបញ្ជាក់ថា មុនពេលកើតហេតុ គេឃើញម្តាយដឹកក្មេង ស្រីរងគ្រោះ មកទិញម្ហូបនៅផ្សារពង្រ ដោយទុកកូនឲ្យនៅចាំម៉ូតូ រួចដើរឆ្លងផ្លូវទៅទិញម្ហូប ស្រាប់តែកូនស្រីបានរត់តាមពីក្រោយម្តាយដោយមិនដឹងខ្លួន ស្របពេលនោះក៏មានរថយន្តដឹកដីប្រភេទកង់១០ មួយគ្រឿងពាក់ស្លាក់លេខ បន្ទាយមានជ័យ 3A ២២២២ ដឹកដី បានបុក និងកិនក្មេងស្រីខ្ទេចមើលមិនយល់ស្លាប់ភ្លាមៗតែម្ដង ។ ចំណែកម្ចាស់រថយន្តមិនត្រូវបានគេស្គាល់ឈ្មោះនោះទេ ក្រោយពេលកើតហេតុត្រូវបានសមត្ថកិច្ចឃាត់ខ្លួនបាននៅកន្លែងភ្លាមៗហើយបញ្ជូនទៅការិយាល័យ នគរបាលចរាចរណ៍ខេត្តតែម្តង ព្រោះខ្លាចអំពើហឹង្សាកើតឡើងចេញពីពលរដ្ឋនៅទីនោះ ។

ក្រោយពីកើតហេតុសមត្ថកិច្ចបានវាស់វែង ចំពោះវត្ថុតាងរថយន្តនគរបាលចរាចរណ៍ខេត្តយកទៅរក្សាទុក ដើម្បីដោះស្រាយតាមនីតិវិធី ។ ចំណែកសពក្មេងស្រីរងគ្រោះត្រូវបានសមត្ថកិច្ច ប្រគល់ជូនក្រុមគ្រួសារ ដើម្បីចាត់ចែងធ្វើបុណ្យតាមប្រពៃណី ។

ទាក់ទិនទៅនឹងករណីព្រោះថ្នាក់ចរាចរណ៍ ប់តាមការៀបរាប់ពីប្រជាពលរដ្ឋនៅទីនោះ បាននិយាយរិៈគន់យ៉ាងចាស់ដៃ ចំពោះរថយន្តដឹក ដែលធ្វើចរាចរណ៍តាមផ្លូវជាតិលេខ៥៦ A នេះ គឺតែងតែបើកបរលឿនៗ មិនគឹតថាទីប្រជុំជននោះទេ ពិសេសគឺពួកអ្នកបើកបរស៊ីឈ្នួលឲ្យគេ ព្រោះអាងថាមិនមែនរថយន្តរបស់ខ្លួន គួរតែសមត្ថកិច្ចចាត់វិធានការទៅលើក្រុមរថយន្តដែលបើកបរក្នុងល្បឿនលឿននៅទីប្រជុំជន ៕ នីមវណ្ណា