សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្ត្រីម្នាក់ ត្រូវបានជនមិនស្គាល់មុខ យកកាំបិតភ្ជង់ប្លន់យកកាបូបលុយ និងទូរស័ព្ទបានសម្រេច ហើយគេចខ្លួនបាត់ នៅច្រកផ្លូវលំ ក្រោយផ្ទះជួលមួយកន្លែង ហើយស្រែកឆោឡោផ្អើលសមត្ថកិច្ចប៉ុស្តិ៍ផ្សារកណ្តាលទី២ ចុះទៅជួយអន្តរាគមន៍ ។
ហេតុការណ៍នេះបានកើតឡើងកាលពីម៉ោង រំលងអធ្រាត្រ ឈានចូលថ្ងៃទី១៤ ខែសីហា ២០១៩ នៅតាមផ្លូវ១៣៦ សង្កាត់ផ្សារកណ្ដាលទី២ ខណ្ឌដូនពេញ រាជធានីភ្នំពេញ ។
បើតាមសម្ដីស្ត្រីរងគ្រោះឈ្មោះ នុត ធាវី ហៅខួច មុខរបរអ្នកបោសសម្អាតផ្ទះអោយគេ ស្នាក់នៅផ្ទះជួល ក្នុងសង្កាត់ផ្សារកណ្ដាលទី២ ខណ្ឌដូនពេញ ភ្នំពេញ បានឲ្យដឹងថា នៅមុនពេលកើតហេតុ រូបគាត់ និងនារីម្នាក់ទៀតជាមិត្តភក្តិ បានយកសក់ក្លែងក្លាយ យកមកអោយមិត្តភក្តិម្នាក់ទៀត ដែលជួលបន្ទប់នៅជាន់ទី៣ ហើយមួយសន្ទុះក្រោយមកនាងក៏ប្រាប់មិត្តភក្តិនាងថា ចុះត្រលប់មកវិញមុនហើយ ព្រោះមិត្តភក្តិនាងកំពុងជាប់រវល់ជជែកគ្នា លុះពេលចុះមកដល់ជាន់ផ្ទាល់ដី ស្រាប់តែមាន ជនមិនស្គាល់មុខម្នាក់ធ្វើសកម្មភាព ស្ទុះចាប់នាងផ្ដួល រួចយកកាំមកភ្ជង់បំពង់ក.របស់នាង ហើយយកកាបូបនិងទូរស័ព្ទរបស់នាង ហើយរត់គេចខ្លនបាត់ស្រមោលតែម្ដង ។
ឃើញជនសង្ស័យរត់ចេញទៅ ទើបនាងស្រែកឆោឡោ ខណៈសមត្ថកិច្ចម្នាក់កំពុងជិះម៉ូតូតាមផ្លូវ ទើបនាំស្ត្រីរងគ្រោះ និងមិត្តភក្តិរបស់នាង មកស្នាក់ការប៉ុស្តិ៍ ដើម្បីសួរនាំ ហើយសមត្ថកិច្ចប៉ុស្តិ៍ផ្សារកណ្តាលទី២ ដឹកជនរងគ្រោះទៅចង្អុលបង្ហាញកន្លែងកើតហេតុ រួចសួរដំណើររឿងហេតុបានដឹងច្បាស់ហើយ ក៏នាំត្រលប់មកប៉ុស្តិ៍វិញ ។
បច្ចុប្បន្នក្រោយពេលកើតហេតុ ស្ត្រីរងគ្រោះបានទៅដាក់ពាក្យបណ្ដឹងនៅស្នាក់ការប៉ុស្តិ៍រដ្ឋបាលផ្សារកណ្តាលទី២ ដើម្បីអោយសមត្ថកិច្ចស្រាវជ្រាវ និងកំណត់មុខសញ្ញាជនល្មើសតាមជំនាញពេលក្រោយ ៕ ជ្រោយពេជ្រ
