សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលបានបង្ក្រាប ឃាត់ខ្លួនជនសង្ស័យ៧នាក់ជាមុខសញ្ញាឆក់និងប្លន់យ៉ាងសកម្មកាលពីវេលាម៉ោង១១និង១០នាទីព្រឹក ថ្ងៃទី ១ ខែតុលា ឆ្នាំ២០១៩ នៅចំណុចផ្លូវមហាវិថីវិមានឈ្នះឈ្នះ ភូមិស្រែរាជ្ជះ សង្កាត់សំរោងក្រោម ខណ្ឌពោធិ៍សែនជ័យ ។
ជនសង្ស័យទី១ឈ្មោះសៀងតុង ភេទប្រុស អាយុ១៨ឆ្នាំ មុខរបរជាងពិដានមានទីលំនៅភូមិស្វាយ សង្កាត់ស្នោរ ខណ្ឌពោធិ៍សែនជ័យ ។
២. ឈ្មោះម៉ៅ សុវណ្ឌហៃ ភេទប្រុសអាយុ១៨ឆ្នាំ មុខរបរមិនពិត មានទីលំនៅភូមិចុងថ្នល់ សង្កាត់ពន្សាំង ខណ្ឌព្រែកព្នៅ ។
៣.ឈ្មោះសន ប៊ុនធិម ភេទប្រុសអាយុ១៧ឆ្នាំ មុខរបរជាងកាត់សក់ មានទីលំនៅភូមិស្រែអំពិល សង្កាត់ស្នោរ ខណ្ឌពោធិ៍សែនជ័យ ។
៤. ឈ្មោះយ៉ុង សហសវត្សន៍ ភេទប្រុសអាយុ២៣ឆ្នាំ មុខរបរលក់កាហ្វេ មានទីលំនៅភូមិស្នោរ សង្កាត់ ស្នោរ ខណ្ឌពោធិ៍សែនជ័យ ។
៥. ឈ្មោះកាក់ សំរេច ភេទប្រុសអាយុ២៣ឆ្នាំ មុខរបរជាងទឹកភ្លើង មានទីលំនៅភូមិស្នោរកើត សង្កាត់ស្នោរ ខណ្ឌពោធិ៍សែនជ័យ ។
៦. ឈ្មោះសាន ផានិត ភេទប្រុសអាយុ១៩ឆ្នាំ មុខរបរនៅផ្ទះ មានទីលំនៅភូមិស្រែអំពិល សង្កាត់ស្នោរ ខណ្ឌពោធិ៍សែនជ័យ ។
៧.ឈ្មោះរឿន សារ៉ូត ភេទប្រុសអាយុ២០ឆ្នាំ មុខរបរជាងម៉ាស៊ីនត្រជាក់ មានទីលំនៅភូមិស្រែរាជ្ជះ សង្កាត់សំរោងក្រោម ខណ្ឌពោធិ៍សែនជ័យ ។
ចំណែកជនរងគ្រោះមានចំនួន២នាក់៖ ទី១. ឈ្មោះ មាន ចរិយា ភេទស្រីអាយុ៣១ឆ្នាំ មុខរបរនៅផ្ទះ មានទីលំនៅភូមិតាអិនសង្កាត់ស្នោរ ខណ្ឌពោធិ៍សែនជ័យ ។ ទី២.ឈ្មោះ ស្រស់ សំណាង ភេទប្រុសអាយុ១៧ឆ្នាំ មុខរបរសិស្ស មានទីភូមិត្រពាំងពោធិ៍ សង្កាត់ឪឡោក ខណ្ឌកំបូល ។ ១. ក្រាមសថ្លាចំនួន១កញ្ចប់ថង់តូច ។ ២. ម៉ូតូចំនួន៤គ្រឿង ម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1GW-4373 . ម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1HD-9258. ម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1HN-0663 . ម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1HP-2321 ទូរស័ព្ទដៃចំនួន២គ្រឿង ម៉ាកអាយហ្វូនសិច និង អាយហ្វូនសេវេន ។ ខ្សែចំនួន២ខ្សែ និងចិញ្ចៀន១វង់ ពណ៌លឿងទុំ ។ លុយចំនួន១០០០០រៀល ។
សម្ភារៈបាត់បង់៖ ម៉ូតូមួយគ្រឿងម៉ាក ហុងដាប៊ិត ពណ៌ផ្កាឈូក ស៊េរីឆ្នាំ ២០១៩ ពាក់ស្លាកលេខភ្នំពេញ1HU-8226. ជារបស់ជនរងគ្រោះមានឈ្មោះ មាន ចរិយា ។
លោកយឹមសារ៉ាន់អធិការនគរបាលខណ្ឌពោធិ៍សែនជ័យបានឲ្យដឹងថា នៅថ្ងៃទី០១ ខែតុលា ឆ្នាំ២០១៨ វេលាម៉ោង១១និង១២នាទី នៅចំណុចលើមហាវិថីឈ្នះឈ្នះ(កប់ស្រវ) ស្ថិតក្នុងភូមិស្រែរាជ្ជៈ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ កម្លាំងនគរបាល ខណ្ឌពោធិ៍សែនជ័យ បានធ្វើការត្រួតពិនិត្យច្បាប់ចរាចរណ៍នៅចំណុចខាងលើស្រាប់តែជនសង្ស័យឈ្មោះ សៀង តុង ភេទប្រុស អាយុ១៨ឆ្នាំ បានជិះម៉ូតូម៉ាកហុងឌ្រីម សេ១២៥ ពណ៌ខ្មៅ ពាក់ស្លាកលេខភ្នំពេញ 1GW-4373 តែម្នាក់ឯងដោយអត់មានមួកការពារសុវត្ថិភាពនិងកញ្ចក់មើលក្រោយ កម្លាំងនគរបាល យើង ក៏បានធ្វើការឆែកឆេរលើខ្លួនប្រាណជនសង្ស័យក៏ឃើញក្រាមពណ៌សថ្លា ចំនួនមួយកញ្ចប់ថង់តូច(សង្ស័យគ្រឿងញៀនប្រភេទមេតំហ្វេតាមីន) ជារបស់ជនសង្ស័យឈ្មោះសៀង តុង នៅក្នុងស្រោមដៃ ក្រោយមកក៏ បាននាំមកសាកសួរនៅផ្នែកនគរបាលយុត្តិធម៌ នៃអធិការដ្ឋាននគរបាលខណ្ឌពោធិ៍សែនជ័យ ជនសង្ស័យ ក៏បានឆ្លើយសារភាពថាខ្លួននិងបក្ខពួកចំនួន០៦នាក់ទៀត បានធ្វើសកម្មភាពធាក់ផ្តលយកម៉ូតូនៅចំណុច ភូមិឃ្លាំង និងភូមិទួលលៀប សង្កាត់ស្នោរ ខណ្ឌពោធិ៍សែនជ័យ រាជធានីភ្នំពេញ ពេលនោះកម្លាំង នគរបាលយើងក៏បានសហការជាមួយកម្លាំងការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ ចុះធ្វើការឃាត់ខ្លួនបានជនសង្ស័យចំនួន០៦នាក់បន្ថែមទៀតតែម្តង ។
បច្ចុប្បន្នជនសង្ស័យ បានបញ្ជូនទៅកាន់ផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យដើម្បីសួរនាំនិងឃុំខ្លួនជាបណ្តោះអាសន្នរងចាំបញ្ជូនទៅតុលារការចាត់ការតាមនិតិវិធីច្បាប់៕ សុខាសែនជ័យ
