ព័ត៌មានទាន់ហេតុការណ៍៖

សម្តេចតេជោ ហ៊ុន សែន បានអញ្ជើញមកដល់ប្រទេស ហុងគ្រី ដោយសុវត្ថិភាព

ចែករំលែក៖

ប្រទេសហុងគ្រី៖ នៅរសៀល ថ្ងៃទី ១៤ ខែ តុលា ឆ្នាំ ២០១៩ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញដឹកនាំគណៈប្រតិភូជាន់ខ្ពស់ចាកចេញពី សាធារណៈរដ្ឋឆែក (Czech Republic) ឆ្ពោះមកកាន់ទីក្រុង ប៊ូដាផែស ប្រទេសហុងគ្រី(Budapest, Hungary) ប្រកបដោយសុវត្ថិភាព តាមយន្តហោះពិសេស។

អញ្ជើញមកទទួល សម្តេចតេជោ ហ៊ុន សែន នៅព្រលានយន្តហោះហុងគ្រី គឺមានមន្ត្រីអគ្គនាយកនៃការិយាល័យប្រធានាធិបតី អគ្គនាយកនៃនាយកដ្ឋានអាស៊ី និងអគ្គនាយកនៃពិធីការរដ្ឋាភិបាលហុងគ្រី និងរដ្ឋមន្រ្តីធនធានទឹកកម្ពុជា ព្រមទាំងមន្រ្តីនៃស្ថានទូតកម្ពុជាប្រចាំនៅទីនេះផងដែរ។

តាមកម្មវិធីនៅថ្ងៃទី ១៤ តុលា នេះគឺ សម្តេចតេជោនាយករដ្ឋមន្រ្តីគ្រោងនឹងជួបជាមួយនិស្សិតខ្មែរដែលកំពុងសិក្សានៅក្នុងប្រទេសហុងគ្រី ។ នៅថ្ងៃស្អែកទី ១៥ តុលា ២០១៩ នេះ សម្តេចតេជោនាយករដ្ឋមន្រ្តី នឹងអញ្ជើញចូលរួមក្នុងកិច្ចប្រជុំកំពូលស្តីពីទឹក លើកទី ៣ នៅក្នុងប្រទេសហុងគ្រី៕


ចែករំលែក៖