សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ដើម្បីអនុវត្តឲ្យបានល្អនូវគោលនយោបាយ ភូមិ សង្កាត់មានសុវត្ថិភាព មួយរយៈពេលមួយខែនេះ កម្លាំងសមត្ថកិច្ចខណ្ឌទួលគោក បានបន្តអនុវត្តការងារនិងការបង្ក្រាប ទប់ស្កាត់បទល្មើសនានាក្នុងមូលដ្ឋាន បានជាច្រើនករណី និងឃាត់ខ្លួនជនសង្ស័យជាច្រើនអ្នកបញ្ជូនទៅតុលាការដាក់ទោសតាមច្បាប់ផងដែរ ។
យោងតាមរបាយការណ៍ប្រចាំខែ តុលា ឆ្នាំ២០១៩នេះ ស្តីពីការអនុវត្តការងាររបស់រដ្ឋបាលខណ្ឌទួលគោក បានបង្ហាញពីការអនុវត្តការងារនិងការបង្ក្រាបបទល្មើសនានានៅក្នុងមូលដ្ឋាន ក្នុងនោះកម្លាំងមានសមត្ថកិច្ចរបស់ខណ្ឌ បង្ក្រាបក្មេងទំនើង ៤លើក នៅសង្កាត់បឹងសាឡាង :២លើក,បឹងកក់ទី១:១លើក ទឹកល្អក់ទី២ មួយលើក ឃាត់ខ្លួន ប្រុស៥នាក់ ។
បង្ក្រាបការផលិតការចែកចាយនិងប្រើប្រាស់គ្រឿងញៀនបាន ១៩ករណី ឃាត់ខ្លួន ៣៤នាក់ ដកហូត ម្សៅក្រាមសថ្លា ( សង្ស័យគ្រឿងញៀន) ១៧កញ្ចប់តូច,ម៉ូតូ៨គ្រឿង ,ទូរស័ព្ទ០១គ្រឿង, កាបូប ០១និង សំភារ:ពាក់ព័ន្ធគ្រឿងញៀនមួយចំនួន។ ករណីជួញដូរគ្រឿងញៀន ៤ករណីឃាត់ខ្លួន ៨នាក់ ប្រុសដកហូត ម្សៅក្រាមសថ្លា( សង្ស័យគ្រឿងញៀន) ៦កញ្ចប់តូច,ម៉ូតូ ២គ្រឿងនិងសម្ភារៈពាក់ព័ន្ធ គ្រឿងញៀនមួយចំនួន។ ករណីរក្សាទុកគ្រឿងញៀន ១៣ករណីឃាត់ខ្លួន ២១នាក់ ប្រុស។ ដកហូតម្សៅក្រាមសថ្លា(សង្ស័យគ្រឿងញៀន) ១៧កញ្ចប់តូច, ម៉ូតូ១០គ្រឿង,ទូរស័ព្ទ១ គ្រឿងកាបូប០១,ម៉ូតូកង់បី០១គ្រឿង និងសម្ភារៈពាក់ព័ន្ធគ្រឿងញៀនមួយចំនួន។ ករណីប្រើប្រាស់គ្រឿងញៀន ២ ករណីឃាត់ខ្លួន ៥នាក់ ប្រុស ដកហូត ម្សៅក្រាមសថ្លា( សង្ស័យគ្រឿងញៀន) ១កញ្ចប់តូចនិងសំភារៈពាក់ព័ន្ធគ្រឿងញៀនមួយចំនួន។ ករណីបង្ក្រាបគ្រឿងញៀន (សកម្មភាពកងរាជអាវុធហត្ថខណ្ឌ) កើតឡើងចំនួន ១០លើក ឃាត់ខ្លួនជនសង្ស័យ ១២នាក់ វត្ថុតាងចាប់យក មានក្រាមសថ្លា ០៧កញ្ចប់តូច ទូរស័ព្ទដៃ ០៤គ្រឿង ម៉ូតូ ០៨គ្រឿងម៉ាក។
ករណីបង្ក្រាបជនសង្ស័យលួចរថយន្ត កើតឡើងចំនួន ០១លើកឃាត់ខ្លួនជនសង្ស័យម្នាក់ វត្ថុតាងចាប់យក រថយន្ត ០១គ្រឿង ម៉ាកCorola ពណ៌ទឹកមាស គ្មានស្លាកលេខ។ ករណីយករថយន្តគេទៅបញ្ចាំ កើតឡើងចំនួន ០១លើក ដកហូតរថយន្ត ០១គ្រឿងម៉ាក ឡិចស៊ីសLX400 ពណ៌ស ពាក់ស្លាកលេខភ្នំពេញ ២AX 5002។
ចំពោះការងារស្រាវជ្រាវ និង បង្ក្រាបបទល្មើសសភាពការណ៍បទល្មើសព្រហ្មទណ្ឌ កើតឡើង ៥ លើក/២ លើក ( កើន ៣ លើក )និង១៥០% បង្ក្រាបបាន ៤លើក ស្មើនិង៨០% ( បទមជ្ឈិម ៥លើក)។
ការងារសហការបង្ក្រាបបទល្មើសព្រហ្មទណ្ឌ សហការឃាត់ខ្លួនជនសង្ស័យជំរិតទារប្រាក់ ១ លើក នៅសង្កាត់ផ្សារដើមគរឃាត់ខ្លួនជនសង្ស័យ៥នាក់ប្រុស៤នាក់ ជនជាតិចិន។ សហការឃាត់ខ្លួនជនសង្ស័យទទួលផលចោរកម្ម ១ ករណី សង្កាត់ផ្សារដេប៉ូទី២។ វត្ថុតាងដកហូត កុំព្យូទ័រ ១ គ្រឿង(របស់ជនជាតិជប៉ុន)។ សហការឆែកឆេរខុនដូរ ១ លើក រកឃើញនិងដកហូតរថយន្ត០១គ្រឿងម៉ាកMERCEDE SBENZ S350 ចង្កូតស្តាំ ពណ៌ទឹកមាស ពាក់ស្លាកលេខភ្នំពេញ 2R-5056៕ ស តារា
