សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ផ្លូវបេតុងមួយខ្សែដែលធ្លាប់តែរាំងស្ទះនូវប្រព័ន្ធលូដើម្បីបញ្ចៀសនូវទឹកជំនន់ ដែលស្ថិតនៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ត្រូវបានអាជ្ញធរជួសជុលយកគ្រឿងចក្រកាយដាក់ប្រព័ន្ធលូ ។
កាលពីព្រឹកថ្ងៃទី៣០ ខែតុលា ឆ្នាំ២០១៩ លោកប៉ាង លីដា អភិបាលរង តំណាងលោកហែម ដារិទ្ធ អភិបាល នៃគណៈអភិបាលខណ្ឌពោធិសែនជ័យ សហការជាមួយក្រុមការងារសង្កាត់ ភូមិ បានចុះ ពិនិត្យការដ្ឋានដាក់លូ ។
លោក សុទ្ធ សុជាតិ ចៅសង្កាត់រង នៃសាលាសង្កាត់ចោមចៅទី៣ ខណ្ឌពោធិ៍សែនជ័យ បានឲ្យដឹងថា ការដាក់ប្រព័ន្ធលូខាងលើមានមុខកាត់ 1,2ម៉ែត្រ បណ្តោយ350ម៉ែត្រ ស្ថិតនៅភូមិព្រៃទា១ ចាប់ពីផ្លូវសពវៀតណាម ដល់ពេទ្យ ២៤ម៉ោង ។
ពាក់ព័ន្ធនឹងការស្ថាបនាប្រព័ន្ធលូខាងលើនេះ គឺប្រើប្រាស់ថវិកា មូលនិធិខណ្ឌនៅឆ្នាំ២០១៩ ៕ សុខាសែនជ័យ
