សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នាយឧត្តមសេនីយ៍ នាង ផាត រដ្ឋលេខាធិការ ប្រចាំការ ក្រសួងការពារជាតិ ក្នុងនាមសម្តេចពិជ័យសេនា ទៀ បាញ់ ឧប នាយករដ្ឋមន្ត្រី រដ្ឋមន្ត្រីក្រសួងការពារជាតិ សម្តែងការកោតសរសើរ និងវាយតម្លៃខ្ពស់ ចំពោះកិច្ចសហប្រតិបត្តិការ រវាងកងទ័ពប្រទេសទាំងពីរ កម្ពុជា- ជប៉ុន ពីមួយថ្ងៃទៅមួយថ្ងៃ ត្រូវបានពូនជ្រំ ពង្រឹងនិងពង្រីក ឥតឈប់ឈរ។ លោកនាយឧត្តមសេនីយ៍ នាង ផាត មានប្រសាសន៍ដូច្នេះក្នុងឱកាសជួបសំណេះសំណាល ជាមួយគណៈប្រតិភូសាលាបណ្ឌិ តសភា ការពារជាតិជប៉ុន ដឹកនាំដោយលោក KOKU BUN RYOSEI នាយកសាលា កាលពីថ្ងៃច័ន្ទ ១៤ កើតខែកក្តិក ឆ្នាំ រកា ឯកស័ក ព.ស ២៥៦៣ ត្រូវនិងថ្ងៃទី ២៥ ខែ វិច្ឆិកា ឆ្នាំ ២០ ១៩ នៅវិមាន” មិត្តភាព “ទីស្តីការគណៈរដ្ឋមន្ត្រី ។
លោក KOKU BUN RYOSEI ជំរាបជូនថា: សាលាបណ្ឌិត សភាការពារជាតិជប៉ុនមានភាកិច្ចបណ្តុះបណ្តាលនាយទាហាន ទាំងក្នុង និងក្រៅប្រទេស និង កំពុងមមាញឹក ជាប់ជា ប្រចាំ ជា មួយនាយទាហាន លើពិភពលោក ក្នងការសិក្សា ឈ្វេងយល់ ផ្លាស់ប្តូរ ចំណេះជំនាញ លើវិស័យជាច្រើន ក្នុងក្របខ័ណ្ឌការ ពារជាតិ ប្រកបដោយប្រសិដ្ឋភាពខ្ពស់ ។ នាយឧត្តមសេនីយ៍ នាង ផាត កោតសរសើរនិងវាយតម្លៃខ្ពស់ ចំពោះហេដ្ឋារចនាសម្ព័ន្ធសាលា មានទីតាំង ធំទូលាយ ប្រកប ដោយ លក្ខណៈទំនើប ទាន់សម័យ បានឃើញសាលា គឺមាន ចិត្តចង់រៀន ។ រហូតមកដល់ពេលនេះ សាលាបណ្ឌិត សភា ការពារជាតិជប៉ុន បណ្តុះបណ្តាល នាយទាហានកម្ពុជា បានចំនួនប្រមាណ ៣០ នាក់ប្រកបដោយគុណភាព សព្វថ្ងៃកំពុងបំរើការនៅក្នុងក្របខ័ណ្ឌ កងយោធពលខេមរភូមិន្ទ ។
សាលានោះខ្ញំុបានអព្ជើាញទៅទស្សនកិច្ចជាមួយប្រមុខការពារជាតិ សម្តេចពិជ័យសេនា ទៀ បាញ់ ទីពីរជាមួយប្រតិភូអាស៊ាន-ជប៉ុុន។ ជារៀងរាល់ឆ្នាំខ្ញំុតែងបានចូលរួមកិច្ចប្រជំុ ក្នុងនាមប្រតិភូក្រសួងការពារជាតិនៅស្ទើរគ្រប់បណ្តាខេត្តផ្សេងៗដែលរៀបចំដោយ រាជរដ្ឋាភិបាលជប៉ុន ។ យើងខ្ញំុសង្ឃឹមថា ទំនាក់ទំនងកិច្ចសហប្រតិបត្តិការ រវាងកងទ័ពប្រទេសទាំងពីរ កម្ពុជា- ជប៉ុន និងត្រូវបានពង្រីក ឥតឈប់ឈរ ពីមួយថ្ងៃទៅមួយថ្ងៃបន្ថែមទៀតផងដែរ ៕ សុខដុម
