សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មានករណីអគ្គិភ័យ ឆេះរោងចក្រ ក្នុងតំបន់សេដ្ឋកិច្ចពិសេសកាលពីម៉ោង១០និង៣០នាទី ព្រឹកថ្ងៃទី៣ ខែធ្នូ ឆ្នាំ២០១៩ យោងតាមរបាយការណ៍ពីសមត្ថកិច្ចបញ្ជាក់ថា រោងចក្រដែលរងគ្រោះដោយអគ្គិភយ័នេះ ឈ្មោះ Woodin wood (Cambodia) Co.,ltd ផលិតក្តារបន្ទះ កុងផ្លាកកេ ស្ថិតក្នុងតំបន់សេដ្ឋកិច្ចពិសេស ភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ។
ក្រោយកើតហេតុ រថយន្តពន្លត់អគ្គិភយ័ពីកងនគរបាល កងរាជអាវុធហត្ថ កងទព័សឹករងខេត្ត កងទព័ជើងទឹក កំពង់ផែក្រុងព្រះសីហនុនិងសមត្ថកិច្ចចម្រុះគ្រប់ផ្នែក បានអន្តរាគមន៍ជួយពន្លត់ការពារមិនអោយរាលដាលទៅកាន់អាគារផ្សេងទៀតនៅក្បែរនោះ ដោយប្រើពេលប្រមាណជាង២ម៉ោងទើបគ្រប់គ្រង និងពន្លត់បានជាស្ថាពរ។
ចំពោះសម្ភារៈខូចខាតរួមមាន៖ រោងដែកប្រក់ស័ង្កសី ទំហំ ៨ម៉ែត្រគុណ៤០ម៉ែត្រ មួយខ្នង ម៉ាសុីនបិទក្តារ ចំនួន០១គ្រឿង និងខូចខាតឈើបន្ទះកុងផ្លាកកេមួយចំនួនទៀត ។
បើតាមសមត្ថកិច្ចថា មិនមានមនុស្សរងគ្រោះថ្នាក់ឡើយ និងថាដើមហេតុអគ្គិភយ័នេះ នៅមិនទាន់ដឹងនៅឡើយ កំពុងស្រាវជ្រាវបន្ត ៕ ឆ្លាម សមុទ្រ
