សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រមួយគ្រឿងបើកមុនប្រយ័ត្នទាក់ដើមក្ងោកបាក់អស់មួយសង្កត់លើរថយន្ត បណ្តាលឲ្យតៃកុងរងរបួស ។
ហេតុការណ៍នេះ បានកើតឡើងកាលពីវេលាម៉ោង៩យប់ ថ្ងៃទី២៤ ខែធ្នូ ឆ្នាំ២០១៩ នៅខាងកើតផ្សារនាគមាសតាមបណ្តោយផ្លូវ២៣០ ស្ថិតក្នុងសង្កាតផ្សារដើមគ ខណ្ឌទួលគោក រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តកុងតឺន័រមួយគ្រឿងពណ៌ខៀវ ពាក់ស្លាកលេខ ភ្នំពេញ 3B 2315 ធ្វើដំណើរតាមបណ្តោយផ្លូវលេខ២៣០ ក្នុងទិសដៅពីលិចទៅកើត ខណៈមកដល់ចំណុចកើតហេតុ ក៏បានជៀសជាមួយរថយន្តមួយគ្រឿងទៀត ទើបទាក់ជាមួយដើមក្ងោកដែលនៅចិញ្ចើមផ្លូវបណ្តាលឲ្យបាក់អស់មួយដើម សង្កត់លើរថយន្ត និងធ្វើឲ្យតៃកុងរងរបួសបែកក្បាលផងដែរ ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ចំណុចកើតហេតុ និងទាក់ទងទៅជំនាញមកស្ទូចដើមឈើចេញនិងយករថយន្តទៅរក្សាទុកនៅការិយាល័យចរាចរណ៍ជើងគោក រាជធានីភ្នំពេញរង់ចាំដោះស្រាយតាមច្បាប់ ៕ សុខាសែនជ័យ
