សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ នៅវេលាម៉ោង១៧ និង១០នាទី ថ្ងៃទី០២ ខែមករា ឆ្នាំ២០២០ កម្លាំងអាវុធហត្ថស្រុកអន្លង់វែងចំនួន០៤នាក់ ដឹកនាំដោយ លោកវរសេនីយ៍ទោ ងួន ទ្ធីរិទ្ធ មេបញ្ជាការមូលដ្ឋានអាវុធហត្ថស្រុកអន្លង់វែង ចុះឃាត់ខ្លួនជនសង្ស័យម្នាក់ ឈ្មោះ ប្រាក់ សុជាតិ ភេទប្រុស អាយុ៣៥ឆ្នាំ មុខរបរជាងសិប្បកម្ម រស់នៅ ភូមិលំទងថ្មី ឃុំលំទង ស្រុកអន្លង់វែង ខេត្តឧត្តរមានជ័យ ។
សមត្ថកិច្ចបានឲ្យដឹងថា៖ ដែលជាប់សង្ស័យ ករណីលួច (កាប់ឈើធ្នង់) នៅក្នុងចំការរបស់ ឈ្មោះ ឈឿត តែ ភេទប្រុស អាយុ២៣ឆ្នាំ មុខរបរធ្វើស្រែ នៅក្នុងភូមិលំទងថ្មី ឃុំលំទង ស្រុកអន្លង់វែង ។
ហេតុការណ៍ ចុះឃាត់ខ្លួននេះ ធ្វើឡើងនៅវេលាម៉ោង១៦ និង១៥នាទីថ្ងៃខែដដែល នៅចំណុចភូមិខាងលើ ។
ព្រមទាំងដកហូតវត្ថុតាងរួមមានម៉ូតូម៉ាកវេវ ពណ៌ក្រហម០១គ្រឿង គ្មានស្លាកលេខ ម៉ែត្រសម្រាប់វាស់ ចំនួន០១.ពូថៅចំនួន០១ ។ បច្ចុប្បន្ន អាវុធហត្ថស្រុក ដើម្បីចាត់ការតាមនីតិវិធី ៕ ប៉ែន នួន
