សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ លោកវរសេនីយ៍ទោ ជីវ សេងរស់ នាយការិយាល័យប្រឆាំងគ្រឿងញៀនបានបើកកិច្ចប្រតិបត្តិការចុះបង្រា្កបករណីជួញដូរ និងប្រើប្រាស់ ដោយខុសច្បាប់នូវសារធាតុញៀនបាន ០១ករណីធ្វើឡើងនៅថ្ងៃទី០៨ ខែ០១ ឆ្នាំ២០២០ ដោយប្រេីវិធានញុះញង់ ឃាត់ខ្លួនជនសង្ស័យចំនួន១២នាក់ ។
លោកវរសេនីយ៍ទោ ជីវ សេងរស់ ឲ្យថាបន្ទាប់ពីទទួលបានព័ត៌មានពីប្រជាពលរដ្ឋភ្លាម លោកសេនីយ៍ទោ ឯម កុសល ស្នងការនគរបាលខេត្តកំពង់ចាម បានចាត់បញ្ជាឱ្យកម្លាំងជំនាញការិយាល័យប្រឆាំងគ្រឿងញៀនខេត្ត ដឹកនាំដោយលោកផ្ទាល់ សហការជាមួយជំនាញស្រុកកំពង់សៀម ជំនាញស្រុកត្បូងឃ្មុំ និងប៉ុស្តិ៍នគរបាលរដ្ឋបាលទន្លេបិទ ។
ជនសង្ស័យដែលត្រូវបានកម្លាំងនគរ បាលខេត្តកំពង់ចាមឃាត់ខ្លួនបាន ៖
១-ឈ្មោះឃួយ សុធារ៉ា (ខូយ សុធារ៉ា) ភេទប្រុស សញ្ជាតិខ្មែរ អាយុ២០ឆ្នាំ នៅភូមិទី៧ សង្កាត់វាលវង់ ក្រុងកំពង់ចាម ខេត្តកំពង់ចាម (ជនសង្ស័យខាងលើមានដីកាចាប់ខ្លួនលេខ៨៧៦ ត ព្រ ចុះថ្ងៃទី៣១ ខែមីនា ឆ្នាំ២០១៦ ចេញដោយចៅក្រមជំនុំជម្រះ សែត វិសិដ្ឋមុនី)
២-ឈ្មោះសុខ សែនកុសល ភេទប្រុស សញ្ជាតិខ្មែរ អាយុ៣០ឆ្នាំ នៅភូមិក្រូចឆ្មារលើ ឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ
៣-ឈ្មោះសោម សុខឡែន ភេទប្រុស សញ្ជាតិខ្មែរ អាយុ៣០ឆ្នាំ នៅភូមិទី១៣ សង្កាត់កំពង់ចាម ក្រុងកំពង់ចាម ខេត្តកំពង់ចាម
៤-ឈ្មោះគង់ សុធារ៉ា ហៅក្លូ ភេទប្រុស សញ្ជាតិខ្មែរ អាយុ២៤ឆ្នាំ នៅភូមិរកាលើ សង្កាត់សំបួរមាស ក្រុងកំពង់ចាម ខេត្តកំពង់ចាម
៥-ឈ្មោះផល ឧត្តម ហៅខ្មៅ ភេទប្រុស សញ្ជាតិខ្មែរ អាយុ២៤ឆ្នាំ នៅភូមិវាលកណ្តៀង ឃុំជប់ ស្រុកត្បូងឃ្មុំ ខេត្តត្បូងឃ្មុំ
៦-ឈ្មោះហ៊ន ប៊ុនយ៉េន ភេទប្រុស សញ្ជាតិខ្មែរ អាយុ២០ឆ្នាំ នៅភូមិ០៦ ឃុំជប់ ស្រុកត្បូងឃ្មុំ ខេត្តត្បូងឃ្មុំ
៧-ឈ្មោះណន វុទ្ធី ភេទប្រុស សញ្ជាតិខ្មែរ អាយុ២៩ឆ្នាំ នៅភូមិជប់ ឃុំជប់ ស្រុកត្បូងឃ្មុំ ខេត្តត្បូងឃ្មុំ
៨-ឈ្មោះកុសល កែវ ភេទប្រុស ជាតិខ្មែរ អាយុ២០ឆ្នាំ នៅភូមិ៣២ ឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ
៩-ឈ្មោះថន និធិ ភេទប្រុស ជាតិខ្មែរ អាយុ២១ឆ្នាំ នៅភូមិ០៦ ឃុំជប់ ស្រុកត្បូងឃ្មុំ ខេត្តត្បូងឃ្មុំ
១០-ឈ្មោះថា វិសាល ហៅចាង ភេទប្រុស ជាតិខ្មែរ អាយុ១៨ឆ្នាំ នៅភូមិ១២ ឃុំជីរោទិ៍ ស្រុកត្បូងឃ្មុំ ខេត្តត្បូងឃ្មុំ
១១-ឈ្មោះចៀន សុីថៃ ភេទប្រុស ជាតិខ្មែរ អាយុ២៥ ឆ្នាំ នៅភូមិរកាធំ ឃុំជីរោទិ៍ ស្រុកត្បូងឃ្មុំ ខេត្តត្បូងឃ្មុំ
១២-ឈ្មោះពេជ្រ សារាជ ភេទប្រុស ជាតិខ្មែរ អាយុ២៥ឆ្នាំ នៅភូមិសួងកើត សង្កាត់សួង ក្រុងសួង ខេត្តត្បូងឃ្មុំ ។
ក្រៅពីការឃាត់ខ្លួន កម្លាំងសមត្ថកិច្ចបានចាប់យកវត្ថុតាងរួមមាន ៖ ថ្នាំញៀនចំនួន ០៣កញ្ចប់ ម្សៅពណ៌សចំនួន០២កញ្ចប់ធំ ទូរស័ព្ទដៃចំនួន១៩គ្រឿង ម៉ូតូ០៧គ្រឿង សំណាកថង់ថ្នាំញៀនមួយចំនួនធំ(ដែលជនសង្ស័យហែកចាក់ចូលក្នុងចានបង្គន់) ឯកសណ្ឋានកងរាជអាវុធហត្ថចំនួន២ អាវ(មួក០២) ស្លាកលេខម៉ូតូចំនួន០១បន្ទះ ទុយោបឺត ឧបករណ៍សេព និងថង់វេចខ្ចប់មួយចំនួន ។
វត្ថុតាងដកហូតបានទាំងនេះ ត្រូវបញ្ជូនទៅរក្សាទុកៅស្នងការនគរបាលខេត្តកំពង់ចាមដេីម្បីចាត់ការតាមច្បាប់បន្តទៀត ៕ វណ្ណៈ
