នគរបាលខេត្តព្រះសីហនុ​បង្ក្រាបគ្រឿងញៀនឃាត់ខ្លួនប្រុស ស្រី៤នាក់

ខេត្តព្រះសីហនុ៖ យោងតារបាយការណ៍របស់សមត្ថកិច្ចនៅវេលាម៉ោង១០និង៣០នាទីថ្ងៃទី២៤ ខែមករាឆ្នាំ២០២០ កម្លាំងការិយាល័យបទល្មើសគ្រឿងញៀន ដឹកនាំដោយលោកវរសេនីយ៍ត្រី ឡុង គឹមហួរ នាយការិល័យបទល្មើសគ្រឿងញៀន ចុះបង្ក្រាបករណីរក្សាទុក និងប្រើប្រាស់នូវសារធាតុញៀនដោយខុសច្បាប់ចំណុចក្រុម៨ ភូមិ ០៣ សង្កាត់ ០៤ ក្រុងព្រះសីហនុ ខេត្តព្រះសីហនុ ឃាត់ខ្លួនបានជនសង្ស័យ៤នាក់ ។

សមត្ថកិច្ចបញ្ជាកថា ជនសង្ស័យ ១ ឈ្មោះ ស្រ៊ុន សុថៃលីន ភេទស្រី អាយុ១៩ឆ្នាំ ជនជាតិ ខ្មែរ មុខរបរ ខារ៉ាអូខេ

ស្រុកកំណើត ភូមិ០៤ សង្កាត់០៤ ក្រុងព្រះសីហនុ ខេត្តព្រះសីហនុ បច្ចុប្បន្នស្នាក់នៅ ភូមិ០៣សង្កាត់ ០៤ ក្រុងព្រះសីហនុ ខេត្តព្រះសីហនុ, ២ ឈ្មោះ សុត រចនា ភេទស្រី អាយុ១៩ឆ្នាំ ជនជាតិ ខ្មែរ មុខរបរ ខារ៉ាអូខេ ស្រុកកំណើត ក្រុងភ្នំពេញ បច្ចុប្បន្នស្នាក់នៅ ភូមិ ០៣ សង្កាត់ ០៤ ក្រុងព្រះសីហនុ ខេត្តព្រះសីហនុ, ៣ ឈ្មោះ នី នាងតូច ភេទស្រី អាយុ១៩ឆ្នាំ ជនជាតិ ខ្មែរ មុខរបរ ខារ៉ាអូខេ ស្រុកកំណើត ភូមិ បឹងរាំង ឃុំ ភ្នំតូច ស្រុក មង្គលបូរី ខេត្ត បន្ទាយមានជ័យ បច្ចុប្បន្នស្នាក់នៅ ភូមិ០៣ សង្កាត់០៤ ក្រុងព្រះសីហនុ ខេត្តព្រះសីហនុ, ៤ ឈ្មោះ ណាន ខៃ ភេទប្រុស អាយុ២៥ឆ្នាំ ជនជាតិចិន មុខរបរ បុគ្គលិកសណ្ឋាគារ ស្រុកកំណើត ប្រទេសចិន បច្ចុប្បន្នស្នាក់នៅ ភូមិ ០៣ សង្កាត់ ០៤ ក្រុងព្រះសីហនុ ខេត្តព្រះសីហនុ ។

សមត្ថកិច្ចដកហូតវត្ថុតាងរួមមាន: ម្សៅសរថ្លាចំនួន០២ទម្ងន់ ២,៣០ ក្រាម, ថ្នាំខេចំនួន០២កញ្ចប់ទម្ងន់១,៦៦ ក្រាម, ថ្នាំពណ៌បៃតងចំនួន៦ទម្ងន់ ២,៨២ ក្រាម,កញ្ឆាមូរជាបារីចំនួន០៤ដើម, ដែកកេះចំនួន០៥ និងទូរស័ព្ទចំនួន០១គ្រឿង ។

បច្ចុប្បន្នសមត្ថកិច្ចកំពុងកសាងសំណុំរឿងដើម្បីបញ្ជូនទៅសាលាដំបូង៕ ឆ្លាម សមុទ្រ