សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើង ដោយមានបុរសម្នាក់បានស្លាប់ភ្លាមៗនៅកន្លែងកេីតហេតុ និងមនុស្ស៣នាក់ទៀតរងរបួសត្រូវបញ្ជូនទៅសង្គ្រោះភ្លាមៗក្រោយពីបេីករថយន្តលឿនមិនប្រយ័ត្នស្រាប់តែរថយន្តបែកកង់រេចង្កូតទៅបុកបង្គោលភ្លេីងរួចក្រឡាប់ជាច្រេីនជុំ កាលពីវេលាម៉ោងរំលងអធ្រាត្រ ឈានចូលថ្ងៃទី ៣ ខែកុម្ភៈ ឆ្នាំ២០២០ ស្ថិតនៅតាមបណ្តោយផ្លូវ៦០ម៉ែត្រក្នុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
សមត្ថកិច្ចបានឲ្យដឹងថា សពជនរងគ្រោះមានឈ្មោះ ឆេងណារ៉ូ ភេទប្រុសអាយុ ២២ ឆ្នាំ មុខរបរ ជាងឡាន ស្នាក់នៅ សង្កាត់ព្រែកហូ ក្រុងតាខ្មៅខេត្តកណ្តាល ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តមួយគ្រឿងម៉ាកឡុចស៊ីស GS300 ពាក់ស្លាកលេខ ភ្នំពេញ 2BC-6479 ជិះគ្នា៤នាក់ប្រុស២នាក់និងនារី២នាក់ បើកបរក្នុងល្បឿនលឿនពីត្បូងទៅជើងតាមបណ្ដោយផ្លូវ៦០ម៉ែត្រ ខណៈមកដល់ចំណុចកើតហេតុ រថយន្តខាងលើស្រាប់តែបែកកង់មុខ ចំហៀងខាងស្តាំ បានរ៉េចង្កូតមកបុកបង្គោលភ្លើងបំភ្លើផ្លូវ ធ្វើឲ្យរថយន្តក្រឡាប់ជាច្រើនជុំ បណ្តាលឲ្យបុរសម្នាក់បានស្លាប់ និងនារីម្នាក់រងរបួសធ្ងន់ ត្រូវបានរថយន្តសង្គ្រោះដឹកយកទៅមន្ទីរពេទ្យភ្លាមៗ ចំណែកឯបើកបរនិង នារីម្នាក់ទៀតរងរបួសស្រាលបានចេញពីកន្លែងកើតហេតុបាត់។
ក្រោយមកសមត្ថកិច្ចមូលដ្ឋានបានចុះមកដល់រួចទំនាក់ទំនងទៅកម្លាំងជំនាញចរាចរណ៍ផ្លូវគោកឲ្យមកវាស់វែងយកទុកយន្តយកទៅរក្សាទុក ។ ដោយឡែកសពត្រូវប្រគល់ឲ្យសាច់ញាតិដឹកយកទៅធ្វើបុណ្យតាមប្រពៃណី៕ ភារ៉ា ដង្កោ
