សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលប៉ុស្តិ៍បឹងទំពន់ទី១ បានសហការជាមួយកម្លាំងផ្នែកអន្តរាគមន៍ នៃអធិការដ្ឋាននគរបាលខណ្ឌមានជ័យ ល្បាតពួនស្ទាក់នៅក្នុងមូលដ្ឋានស្រាប់តែប្រទះឃើញជនសង្ស័យ២នាក់ មានការសង្ស័យក៏ឃាត់ខ្លួននិងធ្វើការឆែកឆែឃើញមានឧបករណ៍ដែលពាក់ព័ន្ធ អំពើប៉ុនប៉ងលួច (យកម៉ូតូ) ។
ជនសង្ស័យខាងលើត្រូវបានឃាត់ខ្លួននៅវេលាម៉ោង០២ និង៣០នាទីរំលងអាធ្រាត្រ ឈានចូលថ្ងៃទី០៧ ខែកុម្ភៈ ឆ្នាំ ២០២០ នៅចំណុចផ្លូវលេខ៣១បេតេ ក្នុងភូមិសន្សំកុសល១ សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យទាំង២នាក់ដែលត្រូវឃាត់ខ្លួនរួមមាន ៖ ទី១ ឈ្មោះ ព្រំ សុខន ភេទប្រុស អាយុ ៣៨ឆ្នាំ ជនជាតិខ្មែរ ទីលំនៅផ្ទះលេខ២៩២ ផ្លូវលេខ៣៧១ ភូមិក្បាលទំនប់ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ (ឃាត់ខ្លួនមានផ្ទុកសារធាតុញៀន) ។ និងទី២ ឈ្មោះ ម៉ុត ធាវី ភេទប្រុស អាយុ ១៨ឆ្នាំ ជនជាតិខ្មែរ ទីលំនៅផ្ទះជួល ផ្លូវបេតុង សង្កាត់បឹងត្របែក ខណ្ឌចំការមន រាជធានីភ្នំពេញ មុខរបរមិនពិតប្រាកដ (ឃាត់ខ្លួនមានផ្ទុកសារធាតុញៀន) ។
ក្នុងនោះសមត្ថកិច្ចក៏ចាប់យកវត្ថុតាងរួមមាន ៖ ដែកចុងស្រួចចំនួន០១ដើម, សោរទីបលេខ០៨ចំនួន០១ដើម , ដែកលួស សរសៃចំនួន០២កំណាត់, កូនសោរម៉ូតូ ចំនួន០១ និង ម៉ូតូ០១គ្រឿងម៉ាកឆាលី ពណ៍ខៀវ លេខម៉ាស៊ីន 3502389 គ្មានស្លាកលេខ (ជាមធ្យោបាយជនសង្ស័យធ្វើសកម្មភាព ) ។
សមត្ថកិច្ចបានឲ្យដឹងទៀតថា ៖ កាលពីថ្ងៃទី០៧ ខែកុម្ភៈ ឆ្នាំ២០២០ វេលាម៉ោង០២ម៉៣០នាទីរំលងអាធ្រាត្រ កម្លាំងនគរបាលប៉ុស្តិ៍បឹងទំពន់ទី១ បានសហការជាមួយកម្លាំងផ្នែកអន្តរាគមន៍ នៃអធិការដ្ឋាននគរបាលខណ្ឌមានជ័យ ធ្វើការល្បាតពួនស្ទាក់នៅក្នុងមូលដ្ឋាន ហើយនៅពេលមកដល់នៅចំណុចផ្លូវ លេខ៣១បេតេ ភូមិសន្សំកុសល១ សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ ប្រទះឃើញជនសង្ស័យចំនួន០២នាក់ឈ្មោះ ព្រំ សុខន , ឈ្មោះ ម៉ុត ធាវី ជិះម៉ូតូ០១គ្រឿងម៉ាកឆាលី ពណ៍ខៀវ គ្មានស្លាកលេខ ដោយមានការសង្ស័យ សមត្ថកិច្ចយើងបានឃាត់ជនសង្ស័យទាំង០២នាក់ធ្វើការត្រួតពិនិត្យឆែកឆេររកឃើញឧបករណ៍សម្រាប់ឆ្កឹះសោរទ្វារ ផ្ទះ និងឧបករណ៍សម្រាប់កាច់សោរក ម៉ូតូមួយចំនួនរួមមាន ៖ ដែកចុងស្រួចចំនួន០១ដើម , សោរទីបលេខ០៨ចំនួន០១ដើម , ដែកលួសរសៃចំនួន០២កំណាត់ ,កូនសោរម៉ូតូចំនួន០១ នៅជាប់ខ្លួនជនសង្ស័យឈ្មោះ ម៉ុត ធាវី ឃើញដូចនោះ សមត្ថកិច្ចយើងបានឃាត់ខ្លួនជនសង្ស័យទាំង០២នាក់ឈ្មោះ ព្រំ សុខន និង ឈ្មោះ ម៉ុត ធាវី យកមកសាកសួរនៅស្នាក់ការនគរបាលប៉ុស្តិ៍បឹងទំពន់ទី១ ដើម្បីចាត់ការតាមនីតិវិធីតែម្តង ។
បច្ចុប្បន្នជនសង្ស័យទាំង០២នាក់ឈ្មោះ ព្រំ សុខន និង ឈ្មោះ ម៉ុត ធាវី ត្រូវបានឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕ ភារ៉ា ដង្កោ
