សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត៖ ថ្ងៃពុធ ០៤រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែកុម្ភៈ ឆ្នាំ២០២០ នៅវេលាម៉ោង ០២និង ៣០នាទី កម្លាំងអាវុធហត្ថក្រុងប៉ោយប៉ែតឃាត់ខ្លួនជនសង្ស័យគ្រឿងញៀនរួមជាមួយវត្ថុតាង។
តាមប្រភពព័ត៌មានពីសន្តិសុខកាស៊ីណូអ័រគីដេ រាយការណ៍មានករណីចែកចាយគ្រឿងញៀន ភ្លាមនោះកម្លាំងអហក្រុងចំនួន០៤នាក់ រថយន្ត០១គ្រឿង ដឹកនាំដោយលោកវរៈសេនីយ៍ត្រី នួន នីណារ៉ូ មេបញ្ជាការមូលដ្ឋានអាវុធហត្ថក្រុងប៉ោយប៉ែត ចុះប្រតិបត្តិការណ៍ ចាប់ឃាត់ខ្លួនជនសង្ស័យចំនួន ០១នាក់ ពីចំណុចកាស៊ីណូអ័រគីដេរ ស្ថិតភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យ ឈ្មោះ កា បញ្ញា ភេទប្រុស អាយុ ១៨ឆ្នាំ រស់នៅក្នុងភូមិប្រជាធម្មកើត សង្កាត់ផ្សាកណ្តាល ក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ច បានដកហូតវត្ថុតាងរួមមាន: គ្រឿងញៀនប្រភេទម្ស៉ៅក្រាមពណ៌សថ្លាចំនួន១២ថង់(១១ថង់តូច និង១ថង់ធំ), ដែកកេះចំនួន០១ដើម, បំពង់កែវ ចំនួន០១ដើម និងបំពង់បឺត ចំនួន០១ដើម ។
បច្ចុប្បន្នជនសង្ស័យខាងលើកំពុងកសាងសំណុំរឿងបញ្ជូនបន្តតាមនីតិវិធី ៕
