សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សពបុរសម្នាក់មិនស្គាល់អត្តសញ្ញាណត្រូវគេប្រទះឃើញចងកនឹងខ្សែនីឡុង ទៅនឹងដើមម្ខុបស្លាប់យ៉ាងអាណោចអាធ័មហើមស្អុយរលួយមើលលែងស្គាល់ នៅក្នុងដីឡូត៍មួយកន្លែង ក្នុងក្រុម៨ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ កាលពីវេលាម៉ោង៩និង២០នាទីថ្ងៃទី១២ ខែកុម្ភៈ ឆ្នាំ២០២០ ។
សមត្ថកិច្ចបានប្រាប់ឲ្យដឹងថា នៅវេលាម៉ោង ៩និង២០នាទីយប់ ថ្ងៃទី១២ ខែកុម្ភៈ ឆ្នាំ២០២០ កម្លាំងសមត្ថកិច្ច បានទទួលដំណឹងពីប្រជាពលរដ្ឋមកថា បានប្រទះឃើញសពបុរសម្នាក់ចង កស្លាប់នៅក្នុងដីឡូត៍មួយកន្លែង ។ ក្រោយពីបានទទួលដំណឹងនេះហើយ កម្លាំងសមត្ថកិច្ចប៉ុស្តិ៍ និងខណ្ឌបានចុះមកដល់កន្លែងកើតហេតុ រួចហៅប៉ូលិសបច្ចេកទេសទៅពិនិត្យ ។
សមត្ថកិច្ចបានបន្តថា សពបុរសពាក់អាវពណ៌ផ្ទៃមេឃ ដៃវែង ស្លៀកខោវែង មានវ័យចន្លោះពី ២០ ទៅ៣០ឆ្នាំ ត្រូវបានប្រទះឃើញចងកស្លាប់នៅក្នុងព្រៃដើមម្ខុប ក្នុងដីឡូត៍ ។ តាមការពិនិត្យជាក់ស្តែង សាកសពបុរសរងគ្រោះ មានសភាពហើមស្អុយរលួយមើលលែងស្គាល់ទៅហើយ អាចប្រហែលស្លាប់រយៈពេល១៥ថ្ងៃហើយ ។
ក្រោយពីប៉ូលិសបច្ចេកទេសទៅពិនិត្យរួចរាល់ហើយបានបញ្ជក់ថា ជនរងគ្រោះពិតជាចងកសម្លាប់ខ្លួនឯងពិតប្រាកដមែន ហើយសពត្រូវបានសមត្ថកិច្ចដឹកយកទៅតម្កល់ទុកនៅវត្តឬស្សីសាញ់សង្កាត់ព្រៃសខណ្ឌដង្កោ៕ អរុណរះ
