សារព័ត៌មាន នគរវត្ត តែងតែនាំមុខគេជានិច្ច
ចិន៖ លោក ស៊ី ជីងពីង ប្រធានាធិបតីចិន ប្រកាសផ្តល់ជំនួយឥតសំណងចំនួន៤ពាន់លានយ័ន ដល់កម្ពុជា សម្រាប់រយៈពេល៣ឆ្នាំ ពីឆ្នាំ២០១៩ដល់ឆ្នាំ២០២១ ។
ក្នុងជំនួបនៅទីក្រុងប៉េកាំង ជាមួយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី២១ ខែមករា លោក ស៊ី ជីងពីង បញ្ជាក់ថា ក្នុងឆ្នាំ២០១៩នេះ ចិននឹងបន្តនាំចូលអង្ករចំនួន៤០ម៉ឺនតោន ពីកម្ពុជា និង ខិតខំជំរុញទំហំពាណិជ្ជកម្មនៃប្រទេសទាំងពីរកើនដល់ ១០ពាន់លានដុល្លានៅឆ្នាំ២០២៣ ។ ក្នុងនោះចិននឹងបន្តលើកទឹកចិត្តដល់អ្នកវិនិយោគចិន ទៅវិនិយោគនៅកម្ពុជាផងដែរ ។
ជាការឆ្លើយតប សម្តេចតេជោ សម្តែងក្តីរីករាយ ក្នុងការទៅបំពេញទស្សនកិច្ចផ្លូវការសាជាថ្មីម្តងទៀត ក្នុងប្រទេសចិន រយៈពេល៤ថ្ងៃ នេះ ៕ ចេស្តា
