សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ យោងតាមរបាយការណ៍ប្រចាំថ្ងៃរបស់ស្នងការដ្ឋាននគរបាល ខេត្តព្រះសីហនុ បានឲ្យដឹងថា៖ នៅវេលាម៉ោង១:១០នាទី រំលងអធ្រាត្រឈានចូល ថ្ងៃទី១ ខែមីនា ឆ្នាំ២០១៩ នេះ មានរថយន្តHIGH LANDER មួយគ្រឿង បានបុករបាំងថ្ម ពុះចែកទ្រូងផ្លូវមុខសួនច្បារ កំពង់ផែស្វយ័ត ក្រុងព្រះសីហនុ បណ្ដាលឲ្យរថយន្ដក្រឡាប់ស្លាប់ អ្នកបើកបរនៅនឹងកន្លែងកើតហេតុ ។
រថយន្តម៉ាក HIGH LANDER ពណ៌ទឹកប្រាក់ ពាក់ស្លាកលេខ ភ្នំពេញ2AL-9729 អ្នកបើកបរ ភេទប្រុស ជនជាតិចិន (មិនស្គាល់អត្តសញ្ញាណ) មានទិសដៅ ពីលិចទៅកើត លុះមកដល់ចំណុចកើតហេតុបានបុក នឹង របាំងថ្មពុះចែកទ្រូងផ្លូវ សួនច្បារ មុខកំពង់ផែក្រុងព្រះសីហនុ ក្រឡាប់តែម្ដង បណ្ដាលឲ្យស្លាប់មនុស្ស១នាក់ អ្នកបើកបររថយន្ត នៅកន្លែងកើតហេតុ ។
រថយន្ត សមត្ថកិច្ច បានយកមករក្សារទុកនៅការិយាល័យចរាចរណ៍ផ្លូវគោកខេត្ត ៕ ឆ្លាម សមុទ្រ
