សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនបរទេស ចូលហាងផឹកស៊ី មិនឲ្យលុយ មេការហាងទៅតាមទារលុយ ទះ៣កំភ្លៀងសង៤០០ដុល្លារបញ្ចប់រឿង ហេតុការណ៍នេះបានកើតឡើងនៅម៉ោង៣ទៀបភ្លឺ ថ្ងៃទី០១ ខែមីនា ឆ្នាំ២០១៩ ស្ថិតនៅក្នុងសង្កាត់ផ្សារកណ្ដាល១ ខណ្ឌដូនពេញ ។
ប្រភពព័ត៌មាននៅកន្លែងកើតហេតុ បានឲ្យដឹងថា នៅមុនកើតហេតុ គេឃើញបុរសជាជនបរទេសម្នាក់ បានចូលផឹកស៊ី នៅក្នុងហាងមួយ ដល់ពេលគិតលុយអស់ចំនួន ៦៦.៥០ដុល្លារ និងថ្លៃស្រីអង្គុយកំដរ ១០ដុល្លារ ស្រាប់តែជនបរទសរូបនោះបានដើរចេញធ្វើព្រងើយ។ ភ្លាមនោះមេការហាងបានដើរ តាមជនបរទេសរូបនោះ រហូតមកដល់ចំណុចកើតហេតុ ក៏ជាអំពើហិង្សា ដោយបុរសជនជាតិបរទេសនោះ ទះមេការ៣កំភ្លៀងខ្ទប់ទៅនឹងកង់បីឥណ្ឌា ។
បន្ទាប់ពីកើតហេតុជនបរទេសរូបនេះ បានព្រមសងថ្លៃផឹកស៊ី និងជំងឺចិត្តទះ៣កំភ្លៀងចំនួន ៤០០$ ដើម្បីបញ្ចប់រឿងនៅកន្លែងកើតហេតុ ៕ ជ្រោយពេជ្រ
