សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃព្រហស្បតិ៍ ១០កើត ខែមាឃ ឆ្នាំច សំរឹទ្ធិស័ក ពុទ្ធស័ករាជ ២៥៦២ ត្រូវនឹងថ្ងៃទី១៤ ខែកុម្ភៈ ឆ្នាំ២០១៩ វេលាម៉ោង ៩និង០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានអញ្ជើញដឹកនាំកិច្ចប្រជុំគណៈអភិបាលខណ្ឌដូនពេញ ប្រចាំអឌ្ឍមាស ខែកុម្ភៈ ឆ្នាំ២០១៩ ដោយមានការអញ្ជើញចូលរួមពី លោក លោកស្រីអភិបាលរង លោក នាយក-រងរដ្ឋបាលខណ្ឌ លោក ប្រធានការិយាល័យទាំង៥ លោក លោកស្រីប្រធាន-អនុប្រធានការិយាល័យជំនាញពាក់ព័ន្ធ លោក លោកប្រធាន-អនុប្រធានទីរួមផ្សារទាំង៣ លោកប្រធានផ្នែកប្រជាការពារខណ្ឌដូនពេញ និង លោកតំណាងក្រុមហ៊ុនស៊ីនទ្រីប្រចាំខណ្ឌ ផងដែរ ។
កិច្ចប្រជុំបានកំណត់យករបៀបវារៈសំខាន់ៗ ដូចខាងក្រោម ៖
១-ការងាររៀបចំសន្តិសុខ សណ្ដាប់ធ្នាប់ របៀបរៀបរយសាធារណៈក្នុងមូលដ្ឋាន ។
២-ការបន្ដពង្រឹងការងារអនាម័យសាធារណៈ ។
៣-ការងារចុះត្រួតពិនិត្យរដ្ឋបាលតាមទីតាំងអាជីវកម្ម សេវាកម្មផ្ទះសំណាក់ សណ្ឋាគារ ពាក់ព័ន្ធនឹងការស្នាក់នៅរបស់អនីតិជន នៅថ្ងៃទី១៤ ខែកុម្ភៈ ឆ្នាំ២០១៩ នេះ ។
៤-ការងារចុះត្រួតពិនិត្យឯកសារពាក់ព័ន្ធការអនុញ្ញាតអាជីវកម្មរថយន្តដឹកជញ្ជូនអ្នកដំណើរ យានដ្ឋានជួសជុលរថយន្ត និងលាងរថយន្ត ក្នុងមូលដ្ឋាន ។
៥-ការងារគ្រប់គ្រងសំណង់ ដីធ្លី និងលំនៅដ្ឋានក្នុងមូលដ្ឋាន ។
៦-ត្រួតពិនិត្យការងាររបស់លេខាធិការដ្ឋានគណៈកម្មាធិការប្រយុទ្ធប្រឆាំងគ្រឿងញៀន ខណ្ឌដូនពេញ ។
៧-របាយការណ៍បូកសរុបលទ្ធផលការងាររយៈពេល ៥ឆ្នាំ របស់ក្រុមប្រឹក្សាខណ្ឌដូនពេញ អាណត្តិទី២ (២០១៤-២០១៨)
៨-ការងារផ្សេងៗ ។
-ការងារត្រៀមរៀបចំសន្តិសុខ សណ្ដាប់ធ្នាប់ របៀបរៀបរយសាធារណៈក្នុងពិធីបុណ្យមាឃបូជា ដែលនឹងប្រព្រឹត្តទៅនៅថ្ងៃទី១៩ ខែកុម្ភៈ ឆ្នាំ២០១៩ ។
-ការងារគ្រប់គ្រងមន្ត្រីរាជការក្រោមឱវាទរដ្ឋបាលខណ្ឌដូនពេញ ៕ ស តារា
