សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: រថយន្តក្រឡុកស៊ីម៉ង់ត៍របស់ក្រុមហ៊ុនGCMក្រឡាប់ផ្ងារជើង ហើយជ្រុលទៅបុករថយន្តព្រុសនិងរថយន្តកូរ៉េមួយគ្រឿងទៀត បណ្ដោយអោយរងការខូចខាត តែសំណាងល្អមិនមនុស្សរងរបួសនោះឡើង។ហេតុការណ៍កើតឡើងនៅវេលាម៉ោង៣រសៀល ថ្ងៃសៅរ៍ ១៣រោច ខែមិគសិរ ឆ្នាំរកា នព្វស័ក ព.ស២៥៦១ ត្រូវនឹង ថ្ងៃទី១៦ ខែធ្នូ ឆ្នាំ២០១៧ នៅតាមបណ្តោយផ្លូវព្រះមុនីវង្ស សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
បើតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ រថយន្តក្រឡុកស៊ីម៉ង់ត៍របស់ក្រុមហ៊ុនGCM មួយគ្រឿង ពណ៍សលាយខៀវ ពាក់ស្លាកលេខ5A.0283 បើកបរតាមបណ្ដោយផ្លូវព្រះមុនីវង្ស ក្នុងទិសដៅពីត្បូងទៅជើងខណៈមកដល់ចំណុចកើតហេតុខាងលើស្រាប់តែបើកគេចពីរថយន្តមួយគ្រឿងនៅខាងមុខហើយបានបួងចង្កូតរថយន្តបណ្ដោយអោយក្រឡាប់ផ្ងារជើង ហើយជ្រុលទៅបុកនិងរថយន្តព្រុសនិងរថយន្តកូរ៉េមួយគ្រឿងទៀត បណ្ដោយអោយរងការខូចខាត តែសំណាងល្អមិនមនុស្សរងរបួសនោះឡើង។
ក្រោយមក កម្លាំងនគរបាលចរាចរណ៍ខណ្ឌចំការមបក៏សម្រេចបញ្ជូនរថយន្តបង្កខាងលើទៅកាន់ការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំធ្វើការដោះស្រាយ៕ សរស្មី
