សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ ពលរដ្ឋខ្មែម្នាក់ បើករថយន្តចូលដីថៃ លួចបង្កប់ឈើគ្រូញូងចេញមកវិញ តាមច្រកអន្តរជាតិឆងចម ខេត្តសុរិន ប្រទេសថៃ ឈមនឹងច្រកអន្តរជាតិអូរស្មាច ខេត្តឧត្តរមានជ័យ ត្រូវសមត្ថកិច្ចចម្រុះថៃចាប់ជាប់នៅត្រង់ចំណុចប៉ុស្តិ៍ត្រួតពិនិត្យអន្តោប្រវេសន៍ កាល់ពីថ្ងៃអាទិត្យ ៧កើត ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៦ ខែកញ្ញា ឆ្នាំ២០១៨ វេលាម៉ោង១៦និង២០នាទី។
សមត្ថកិច្ចថៃបានប្រាប់ដល់សមត្ថកិច្ចកម្ពុជាប្រជាពលរដ្ឋខ្មែរដែលត្រូវសមត្ថកិច្ចថៃឃាត់មាន ឈ្មោះ ហួត លីហុក ភេទប្រុស អាយុ២១ឆ្នាំ មានទីលំនៅភូមិផ្អុង សង្កាត់ កូនក្រៀល ក្រុងសំរោង ខេត្តឧត្តរមានជ័យ ពីករណីលួចដឹកឈើគ្រញូងបង្កប់ក្នុងបាតក្រោមរថយន្តម៉ាកLEXUS ពណ៌ទឹកមាស ស្លាកលេខ ភ្នុំពេញ 2AE-2608។
ជុំវិញហេតុការណ៍ខាងលើនេះ មានមតិមួយចំនួននិយាយថា ពលរដ្ឋខ្មែរ ខាងលើមិនគួរហ៊ានយកខ្លួន និងរថយន្តដែលមានតម្លៃថ្លៃចូលក្នុងទឹកដីថៃប្រថុយដឹកឈើគ្រញូងតិចតួចដូចក្នុងរូបឡើយ។
មតិខ្លះទៀតនិយាយថា ទាំងនេះដោយសារតែសមត្ថកិច្ចខ្មែរ ថៃតាមព្រំដែនត្រូវគ្នា បណ្តោយឲ្យមេខ្យល់ដែលមានការឧបត្ថមពីឈ្មួញជួញដូរឈើគ្រញូងនាំពលរដ្ឋខ្មែរដែលមានជីវភាពខ្សត់ខ្សោយឆ្លងដែនចូលកាប់ឈើ ឬលីសែងពីទឹកដីថៃមកកម្ពុជាទើបនាំឲ្យមានគ្រោះថ្នាក់ជាបន្តបន្ទាប់ ដល់ពលរដ្ឋខ្មែរខ្លះត្រូវសមត្ថកិច្ចថៃចាប់ខ្លួន និងបាញ់ប្រហារឲ្យស្លាប់ និងរបួស ៕
