សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការផ្អើលឆោឡោឡើង ពីអ្នកធ្វើដំណើរចោមរោមមើល និងរបាយការណ៍ មកសមត្ថកិច្ចមូលដ្ឋាន ខណៈប្រទះឃើញបុរសជនជាតិវៀតណាម ម្នាក់ដេកស្លាប់នៅខាងមុខកាស៊ីណូមួយកន្លែងនៅក្រុងបាវិតទំនងជាខ្យល់គរ ។
ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង២រសៀល ថ្ងៃទី១៦ ខែមករា ឆ្នាំ២០១៩ នៅខាងមុខកាស៊ីណូក្រោនស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
យោងតាមសមត្ថកិច្ច នគរបាលក្រុងបាវិតបានឲ្យដឹងថា ពលរដ្ឋបានរាយការណ៍មកថា មានករណីមនុស្សស្លាប់ នៅខាងមុខកាស៊ីណូខាងលើ ទើបសមត្ថកិច្ចចុះដល់ចំណុចកើតហេតុ ដើម្បីធ្វើការពិនិត្យ ។
សមត្ថកិច្ចនគរបាលបន្តទៀតថា បុរសដែលស្លាប់ខាងលើ ឈ្មោះ តាត់ តូហា អាយុ៧៧ឆ្នាំ ជនជាតិវៀតណាម មានទីលំនៅទីក្រុងហូជីមិញ ប្រាតេស ប្រទេសវៀតណាម កាន់លិខិតឆ្លងដែនខេខC 6301556 ។
ក្រោយពីឆ្លងតាមការពិនិត្យសាកសពពីគណៈកម្មការកោសល្យវិច័យខេត្ត រួមលោកគ្រូពេទ្យ សុខ ប៊ុនថន អនុប្រធានការិយាល័យស្រុកប្រតិបត្តិជីភូថា ជនរងគ្រោះពិតជាស្លាប់ដោយសារខ្យល់គពិតមែនមិនមានស្លាកស្នាមជារឿងឃាដកម្មអ្វីនោះទេ ។
បន្ទាប់ពីពិនិត្យចប់សាកសព សមត្ថកិច្ចប្រគល់ជូនទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕ យឹម សុថាន
