សារព័ត៌មាន នគរវត្ត តែងតែនាំមុខគេជានិច្ច
មនុស្ស៧នាក់ត្រូវបានផ្តន្ទាទោសពីបទរើសអើងជាតិសាសន៍ទៅលើខ្សែប្រយុទ្ធប្រេស៊ីល Vinicius Jr. របស់ក្លិបអធិរាជស Real Madrid។ ក្នុងនោះបុរស៤នាក់ត្រូវបានពិន័យជាប្រាក់៦០,០០០អឺរ៉ូ និងត្រូវបានហាមឃាត់ក្នុងកីឡដ្ឋានរយៈពេល២ឆ្នាំសម្រាប់ការព្យួររូបចម្លាក់កីឡាករ Vinicius នៅជិតកន្លែងហ្វឹកហាត់របស់ Real Madrid កាលពីខែមករា។
បុរសទាំង៤នាក់ត្រូវបានចាប់ខ្លួនកាលពី១១ថ្ងៃមុន និងបានដោះលែងឱ្យនៅក្រៅឃុំដោយតុលាការក្រុង Madrid ។ មនុស្ស៣នាក់ផ្សេងទៀតត្រូវបានពិន័យជាប្រាក់ចំនួន៥,០០០អឺរ៉ូ និងត្រូវបានហាមឃាត់រយៈពេល១ឆ្នាំសម្រាប់ការធ្វើកាយវិការរើសអើងជាតិសាសន៍អំឡុងពេលការប្រកួតរបស់ Real Madrid នៅ Valencia កាលពីថ្ងៃទី២១ ខែឧសភា។
ប៉ូលិសបាននិយាយថា ពួកគេទាំង៣នាក់នោះមានអាយុចន្លោះពី១៨ទៅ២១ឆ្នាំ ហើយត្រូវបានឃុំខ្លួនពីរថ្ងៃបន្ទាប់ពីការប្រកួត។
គណៈកម្មការកីឡារបស់ប្រទេសអេស្ប៉ាញបានប្រកាសកាលពីថ្ងៃអង្គារថា ការដាក់ទណ្ឌកម្មនេះត្រូវបានផ្តល់ដោយគណៈកម្មាធិការរដ្ឋរបស់ប្រទេសអេស្ប៉ាញប្រឆាំងនឹងអំពើហិង្សា ការរើសអើងជាតិសាសន៍ ការប្រកាន់ពូជសាសន៍ និងការមិនអត់ឱនក្នុងវិស័យកីឡា។
ខ្សែប្រយុទ្ធ Vinicius ដែលទទួលបានកាតក្រហមសម្រាប់ការប្រព្រឹត្តអំពើហិង្សាក្នុងការប្រកួតជាមួយ Valencia ត្រូវបានដកការពិន័យចេញវិញក្រោយមកបាននិយាយថា លីកអេស្ប៉ាញជាកម្មសិទ្ធិរបស់អ្នករើសអើង។
ប្រធាន La Liga លោក Javier Tebas និងការគ្រប់គ្រងរបស់លីកចំពោះឧប្បត្តិហេតុនេះត្រូវបានថ្កោលទោសយ៉ាងទូលំទូលាយបន្ទាប់ពីគាត់បានប្រាប់ Vinicius នៅលើប្រព័ន្ធផ្សព្វផ្សាយសង្គមថា “អ្នកត្រូវប្រាប់ខ្លួនអ្នកឱ្យបានត្រឹមត្រូវ” ។ ក្រោយមក Tebas បានសុំទោស Vinicius ដោយនិយាយថា គាត់មិនមានន័យថា វាយប្រហារកីឡាករអាយុ២២ឆ្នាំនោះទេ។
រដ្ឋាភិបាលប្រេស៊ីលបានអំពាវនាវឱ្យមានការដាក់ទណ្ឌកម្មធ្ងន់ធ្ងរប្រឆាំងនឹងអ្នកដែលទទួលខុសត្រូវចំពោះការជេរប្រមាថជាតិសាសន៍ ហើយ La Liga បានប្រកាសថា ខ្លួននឹងស្វែងរកអំណាចដាក់ទណ្ឌកម្មបន្ថែមទៀតដើម្បីធានាថាវាអាចដាក់ទណ្ឌកម្មឧប្បត្តិហេតុបែបនេះ។
ប្រេស៊ីលនឹងប្រកួតមិត្តភាពជាមួយហ្គីណេ និងសេណេហ្គាល់ក្នុងទីក្រុង Lisbon នៅថ្ងៃទី១៧ និងថ្ងៃទី២០ ខែមិថុនាខាងមុខ ដែលជាផ្នែកនៃយុទ្ធនាការប្រឆាំងការរើសអើងជាតិសាសន៍ ៕
ដោយ៖ ភារៈ(រូបភាព ៖ BBC Sport)
