សារព័ត៌មាន នគរវត្ត តែងតែនាំមុខគេជានិច្ច
សីតុណ្ហភាព នៅលើឋានព្រះច័ន្ទ មានភាពខុសគ្នា ទាំងនោះហើយទើប មិនមានរុក្ខជាតិ អ្វីអាចដុះនៅលើនោះបាន។ តាមការស្រាវជ្រាវបង្ហាញឲ្យឃើញថា នៅពេលយប់ និងពេលថ្ងៃ សីតុណ្ហភាពខុសគ្នា ដល់ទៅជាង២០០ដង ។ ពេលថ្ងៃកម្តៅជាង ១០០ អង្សាសេ ចំណែកពេលយប់ ត្រជាក់ ក្រោមសូន្យដល់ទៅជិត-២០០ អង្សាសេ ។ ចំណែកពេលវេលា ក៏ខុសគ្នាផងដែរ ដោយពេលថ្ងៃ និងពេលយប់ មានរយៈពេលវែង ។
ក្រោយពេលយានស្រាវជ្រាវលើភព្វព្រះច័ន្ទរបស់ចិន Chang’e-4 បានចុះចតដោយជោគជ័យ យាននេះ បានចាប់ផ្តើមផ្តល់ទិន្នន័យ ពីការស្រាវជ្រាវមកទីបញ្ជាការ នៅលើផែនដី ។ កាលពីថ្ងៃទី ១៣ ខែមករា កន្លងមក សារព័ត៌មានចិន បានដកស្រង់ លទ្ធផលស្រាវជ្រាវ ស្តីពីពេលវេលាយប់ និងថ្ងៃ ក៏ដូចជាសីតុណ្ហភាពនៅលើភពព្រះច័ន្ទ ។ យាន «Chang’e-4» បានផ្តល់ទិន្នន័យបង្ហាញឲ្យឃើញថា មួយថ្ងៃនៅលើព្រះច័ន្ទ គឺស្មើនឹង១៤ថ្ងៃ នៅលើផែនដី រីឯមួយយប់ នៅលើព្រះច័ន្ទ ក៏មានរយៈពេលដូចគ្នានេះដែរ ។
ចំណែកសីតុណ្ហភាពរវាងថ្ងៃ និងយប់ នៅលើព្រះច័ន្ទមានភាពខុសគ្នាយ៉ាងខ្លាំង។ ចំណែកឯ ក្រុមអ្នកវិទ្យាសាស្ត្របានវាយតម្លៃថា សីតុណ្ហភាពខ្ពស់បំផុតនៅពេលថ្ងៃនៅលើ ព្រះច័ន្ទអាចឡើងដល់១២៧អង្សាសេ ខណៈពេលយប់ វាអាចធ្លាក់ចុះក្រោមសូន្យ រហូតដល់ទៅ-១៨៣អង្សាសេ គឺមានគម្លាត់យ៉ាងខ្លាំង រវាងសីតុណ្ហភាពពេលថ្ងៃ និងពេលយប់ ។
នៅពេល យាន «Chang’e-4» បានសម្រេចការចុះចតជាលើកដំបូងមិនធ្លាប់មានពីមុនមក នៅផ្ទៃចំហៀងម្ខាងទៀតរបស់ព្រះច័ន្ទដែលមនុស្សមិនដែលបានឃើញនោះ អ្នកជំនាញជើងចាស់ផ្នែកអវកាសម្នាក់របស់ចិនបាននិយាយថា ប្រទេសចិន និងធ្វើឲ្យបេសកកម្មស្រាវជ្រាវនៅលើឋានព្រះច័ន្ទ កាន់តែមានភាពស៊ីជម្រៅ ខ្លាំងជាងពេលណាៗទាំងអស់។
ពេលអនាគតដ៏ខ្លីខាងមុខចិន និងបញ្ជូនក្រុមអវកាសយានិកទៅកាន់ភពព្រះច័ន្ទ និងបង្កើនការស្រាវជ្រាន នៅភពផ្សេងៗទៀត ក្នុងនោះមានភពព្រះ អង្គារជាដើម ។ តាមគម្រោង នៅឆ្នាំ២០២០ និងបញ្ជូនយានអវកាស ទៅកាន់ពិភពព្រះអង្គារ ។ ដោយឡែក សម្រាប់គោលដៅឆ្នាំ២០៣០វិញ ចិនមានមហិច្ឆតាបាញ់បង្ហោះគ្រាប់រ៉ុក្កែតទម្ងន់ធ្ងន់ ដែលមានសមត្ថភាពផ្ទុកប្រហែល ៤,០០០តោន ។
មួយទសវត្សរ៍ចុងក្រោយនេះ ចិនបានខិតខំយ៉ាងខ្លាំង នៅក្នុងវិស័យស្រាវជ្រាវអវកាស ក្រោយពេលដែលអាមេរិក បានកាត់បន្ថយការស្រាវជ្រាវ ។ នៅពេល ដ៏ខ្លីខាងមុខចិន គឺជាប្រទេស មហាអំណាចដែនអវកាស៕
