សារព័ត៌មាន នគរវត្ត តែងតែនាំមុខគេជានិច្ច
តាំងពីរដ្ឋប្រហារផ្តួលរំលំរដ្ឋាភិបាល របស់ប្រធានាធិបតី អ៊ីដូហ្គាន មិនបានសម្រេច កាលពីឆ្នាំ២០១៦ មក រដ្ឋាភិបាលបានចាត់វិធានការ តានតឹងបំផុត ដើម្បីកម្ចាត់ក្រុមប្រឆាំងឲ្យអស់ ដោយបានចាប់ខ្លួននទាហានជាច្រើនដាក់ទោស ។
នៅពេលនេះ រដ្ឋាភិបាលទួកគីបានបញ្ជាឲ្យតាមចាប់ខ្លួន ទាហានសង្ស័យ៨២នាក់ ជាប់ពាក់ព័ន្ធនឹងការធ្វើរដ្ឋប្រហារ ។ សារព័ត៌មានទួកគី Anadolu បានផ្សាយកាលពីថ្ងៃទី២ ខែកក្កដា ឆ្នាំ២០១៩ថា ទីក្រុង Ankara បានបន្ទោសលើបុព្វជិតមូស្លីម Fethullah Gulen មូលដ្ឋាននៅអាមេរិក ជាមេគំនិតប៉ុនប៉ងរដ្ឋប្រហារកាលពីខែកក្កដា ឆ្នាំ២០១៦ ប៉ុន្តែមិនបានសម្រេច ។ លោក Gulen ភៀសខ្លួនដោយខ្លួនឯងទៅអាមេរិក តាំងពីឆ្នាំ១៩៩៩មកម្ល៉េះ បានបដិសេធពាក់ព័ន្ធណាមួយការចោទប្រកាន់របស់រដ្ឋាភិបាល ។
សារព័ត៌មានដដែលនេះ បានផ្សាយថា ប៉ូលិសទួកគីកំពុងតាមប្រមាញ់ជនសង្ស័យ៤២នាក់ មូលដ្ឋាននៅខេត្តឈូងសមុទ្រភាគខាងលិច គឺខេត្ត Izmir ប៉ុន្តែក៏បានប្រតិបត្តិការនៅទូទាំង១៧ខេត្តរបស់ទួកគីផងដែរ ក្នុងការស្វែងរកជនសង្ស័យខាងលើនេះ ។ ទួកគីមានផ្ទៃដីទាំងអស់២៥ខេត្ត ។ ជនសង្ស័យ៤០នាក់ទៀត ក្នុងនោះមានទាហានកំពុងបំពេញភារកិច្ចផងដែរ ស្ថិតនៅមូលដ្ឋានទ័ពភាគកណ្តាលខេត្ត Konya កំពុងត្រូវបានតាមប្រមាញ់ចាប់ខ្លួន ។
ជិត៣ឆ្នាំមកហើយ ក្រោយប៉ុនប៉ងរដ្ឋប្រហារមិនបានសម្រេចនៅទួកគី ។ មនុស្សជាង ៧៧,០០០ នាក់ត្រូវបានចាប់ឃុំខ្លួន និងកំពុងបន្តជំនុំជម្រះក្តី ។ មនុស្សប្រមាណ ១៥០,០០០ នាក់ ដែលជាបុគ្គលិកស៊ីវិល, យោធា ។ ល ។ ត្រូវបានដកហូត តួនាទី មុខងារ ស្ថិតក្រោមកិច្ចប្រតិបត្តិការបង្ក្រាបបណ្តាញរដ្ឋប្រហារនេះ ។ ការតាមប្រមាញ់របស់ប៉ូលិសទួកគីនៅតែបន្តធ្វើរហូតមកដល់សព្វថ្ងៃ ។
ក្រុមសិទ្ធិមនុស្ស និងសម្ពន្ធមិត្តលោកខាងលិចរបស់ទួកគី បានរិះគន់អំពើបង្ក្រាបរបស់រដ្ឋាភិបាលទួកគីនេះ ដោយនិយាយថា លោក Erdogan ប្រើប្រាស់លេសធ្វើរដ្ឋប្រហារមិនសម្រេចនោះ ដើម្បីបោសសម្អាតទៅលើក្រុមប្រឆាំង ។
រដ្ឋាភិបាលលោក Erdogan បានអះអាងថា វិធានការសន្តិសុខ គឺជារឿងចាំបាច់ នៅចំពោះមុខរបស់តួក ដែលកំពុងតែប្រឈមនេះ ហើយប្តេជ្ញាថា នឹងលុបបំបាត់ឲ្យអស់ពីប្រទេសនេះ ចំពោះបណ្តាញរបស់លោក Gulen ៕
